Плаванне

Алімпійскі від спорту, адзін з найбольш масавых і папулярных відаў спорту нашага часу. Сучаснае спартыўнае плаванне характарызуецца сістэмай адмысловай падрыхтоўкі да пераадолення на спаборніцтвах вызначаных адлегласцяў (дыстанцый) пасродкам выканання ў водным асяроддзі рэгламентаваных правіламі рухаў (спосабоў плавання).

Мэтанакіраваная шматгадовая спартыўная падрыхтоўка пачынаецца, як правіла, з 7 гадоў, а яе працягласць залежыць ад шэрагу фактараў, абумоўленых генетычнымі, фізіялагічнымі асаблівасцямі арганізма, прадуманай сістэмай трэніроўкі, якая ўлічвае індывідуальныя асаблівасці спартсмена.

Спартсмены-навучэнцы і выхаванцы аддзялення станавіліся пераможцамі і прызёрамі чэмпіянатаў, кубкаў і першынстваў Рэспублікі Беларусь па плаванні. За перыяд працы аддзялення плавання падрыхтавана 52 КМС і 11 МС па плаванні. Спартсмены гэтага аддзялення штогод уваходзяць у склады нацыянальных каманд і зборных Рэспублікі Беларусь па плаванні.