Веславанне акадэмічнае

Веславанне акадэмічнае з’яўляецца алімпійскім, цыклічным, складанакаардынацыйным відам спорту. Гэта адзін з нямногіх відаў спорту, у якім спартсмен задзейнічае каля 95% цягліц усяго цела. Прывабнасць яго складаецца, перш за ўсё, у рознабаковай аздараўленчай накіраванасці, якая садзейнічае павышэнню ўзроўню функцыянальных магчымасцяў арганізма. Мінімальны ўзрост для заняткаў веславаннем акадэмічным – 9 гадоў.

Спартсмены-выхаванцы аддзялення веславання акадэмічнага славяцца шматлікімі медалямі са спаборніцтваў міжнароднага ўзроўню. У 2024 годзе Каваленка Кіра і Плісава Дзіяна, якія выступалі на чэмпіянаце свету сярод юніёраў па веславанні акадэмічным у Сэнт-Катарынс (Канада) у нейтральным статусе, заваявалі трэцяе месца ў класе «двойка ворная юніёркі» і сталі ўладальніцамі ганаровага звання «Майстар спорту Рэспублікі Беларусь міжнароднага класа».

Спартсмены-навучэнцы ўдзельнічаюць у спаборніцтвах абласнога і рэспубліканскага ўзроўню, дзе дастойна праяўляюць сябе, лідыруюць і займаюць высокія пазіцыі.